ڏسو ڏسو اي ٻارو گل! (بيت)

اوهان کي وڻيو؟ گھڻا ستارا ڏيندا؟
(0 ووٽَ)

آڊيو گيت

ڏِسو ڏسو اي ٻارو گُلُ!

سُهڻو، گُلُ هي پيارو گُلُ!

 

ٻُوٽن تي ٿي جوت جَلي،

ڌرتيءَ جو آ تارو گُلُ!

 

اُن جي آڏو مکڙيون مُرڪن،

رنگن روپن وارو گُلُ!

 

موتيو، مُگرو، سُورج مُکي،

لال گُلابي، نِيارو گُلُ!

 

ڀؤنر به جنهن تي، ڀيرا ڏي،

پوپٽ کي آ پيارو گُلُ!

 

غمگينن جا غمَ ٿو لاهي،

ميٽي ٿو مونجهارو گُلُ!

 

ٽارِين ۾ ٽانڊاڻا ٽِمڪن،

سُونهن سَراسر سارو گُلُ!

 

”مون وانگي ٿيو جڳَ ۾ سُرها“

ٻول ٿو ٻولي ٻارو گُل!