ڪارڙو ڪمارڙو

اوهان کي وڻيو؟ گھڻا ستارا ڏيندا؟
(2 ووٽَ)

آڊيو گيت

ڪارِڙو ڪمارِڙو
الله جو پيارِڙو

کِلِي ڏِيو خَيراتُون
وَسَنِ بَرِساتُون

 

ڀِتِ تي نوڙِي
مِينهُن آيو ڊَوڙِي

ڀِتِ تي جھِرڪِي
مِينهُن آيو تِرڪِي

ڀِتِ تي طوطو
مِينهُن اَچِي پَهتو

ڀِتِ تي ڳَيرو
مِينهُن آيو گَھنيرو

اُکريءَ ۾ ڪَڪڙو
مِينهُن وَسي تَڪِڙو

مَولا مُڪا مِينهَڙا
وَيا ڏُڪَرَ ڏِينهَڙا

ڪارِڙو ڪُمارِڙو
الله جو پِيارِڙو

کِلي ڏِيو خَيراتُون
وَسَنِ بَرِساتُون